U vrau vajzën, prindërit e Caroline: Nuk do ta shohë më të bijën, do të kalbet në burgun më famëkeq të Greqisë

Babis Anagnostopoulos, i cili i mori jetën bashkëshortes së tij dhe më pas inskenoi një grabitje të dhunshme, i dënua dje me burgim të përjetshëm. Tashmë prindërit e 20-vjeçares britanike janë shprehur se 27-vjeçari nuk do ta shohë më vajzën e tij Lydia. Babai i Caroline Crouch, David tha se 34-vjeçari me shumë mundësi do të bëhet një “njeri i humbur” i mbyllur në një burg famëkeq, si ai i Korydallos.

“Kur ai ta përfundojë dënimin, që shumë njerëz mendojnë se nuk do t’i mbijetojë, do të jetë një njeri i ndryshuar, një njeri i thyer, shumë më i vjetër se mosha e tij e vërtetë. Tani që fati i tij është vendosur, Susan dhe unë mund të vazhdojmë. Kam ndërmend të ndryshoj emrin e Lidias me atë të nënës së saj, në mënyrë që ajo të mos lidhet kurrë me këtë krijesë të urryer. Do të sigurohem që ai kurrë të mos e shohë vajzën e tij ose të ketë ndonjë kontakt me të.”

Caroline Crouch, 19 vjeç, u vra majin e kaluar në vilën ku jetonte me Anagnostopoulos. Drejtësia greke vendosi dje për Babis Anagnostopoulos, 33-vjeçarin që mbyti për vdekje të shoqen në Glyka Nera, burg të përjetshëm dhe 11 vite e gjashtë muaj shtesë. Ai u dënua gjithashtu edhe për vrasjen e qenit dhe dy veprat të tjera penale, dëshmi e rreme dhe denoncim i rremë. Gjithashtu Babis ka marrë një gjobë prej 21 mijë eurosh.

Share With:
Translate »
39 Views