Vishini fëmijët si fëmijë dhe një manual për gabimet që s`duhet të bëjnë mamat
Nuk ka ndjesi më të çuditshme se sa kur sheh një fëmijë të veshur jo-mirë. Disa duken sikur vijnë direkt nga epoka viktoriane, me funde tyli dhe mëngë hirusheje, të tjerë ngjajnë me mini versionin e Kardashians.
Fëmijët e Jennifer Lopez, Max dhe Emme, si dhe vajza 16 vjeçare e Julia Roberts duket se e shijojnë çdo etapë të moshës. Max dhe Emme jaë gjithnjë të veshur thjesht, me bluza me kapuç dhe xhinse. Po ashtu dhe vajza adoleshente e Julias, parakaloi në Kanë me një fustan këmishë dhe këpucë mary-jane. Të dy këta personazhe publikë, me famë, para dhe influencë, duan më të mirën për fëmijët e tyre. Duan që ata të jetojnë moshën.
Cilat janë “po-të” dhe “jo-të” që duhen ditur përpara se sa t`ë bësh blerjet e fëmijës tënd?
Matchy-matchy
Moda që doli para disa vitesh, ku mamatë dhe vajzat e vogla vishnin të dyja nga një fustan tyli dhe me temina, uroj të mos kthehet më. Mercatornet.com në një artikull titulluar “A duhet mamatë 40 e ca vjeçare të vishen si vajzat e tyre” tregon pikëpamjen e një mamaje që ka 6 vajza, se si në mënyrë të pavullnetshme (ose jo), gardëroba e fëmijës ndikon dhe atë të mamasë. Sheh vajza e xhinse dhe crop top, edhe mama me xhinse dhe deri-diku crop top. Flokë bjondë me fije dhe me atlete Vans. Padashje, duke u përpjekur për të qëndruar përherë e re, mund të duket se je duke u përpjekur shumë.
Në plazh me rroba plazhi
Ka shumë vajza të vogla që deri në moshën 6-7 vjeçare, mamatë nuk i veshin bikini. Por vetëm mbathje plazhi. Ky është një nga ato veprime që në mënyrë indirekte prindi po i pohon vajzës dhe djalit që ju jeni njësoj. Pa marrë parasysh se plazhi është vend publik ku është e vështirë të njohësh ata që ke afër.
Leri hapësirë fëmijëve të jenë fëmiijë
T-shirt, kanotjere dhe fustan xhins mbi to, me sandale dhe shkopin e zanës! E di që shumica e vajzave të vogla kështu do visheshin po t’i linin të lira. është mënyra më e mirë për të njohur karakterin e fëmijës si dhe nxit krijimtarinë.
Grim jo por krem me faktor SPF po
Një nga gjërat më të rëndësishme, përveç veshjes, është kujdesesh për lëkurën e fëmijës. Kremi me faktor mbrojtës dhe kapelet nuk janë vetëm për në plazh. Studime të shumta janë bërë sëfundmi që vërtetojnë teorinë e rrudhave të hershme. Përveç se mbroni lëkurën e fëmijës, i mësoni dhe se si të kujdeset për veten në mënyrën e duhur.
Nën Lupën e Stela Sallakut/ tiranapost.
