Xhaxhallarët përdhunuan mbesën 10 vjeç, e lanë shtatzënë

Një gjykatë në Indi ka dënuar dy burra pasi kanë përdhunuar mbesën 10-vjeçare e cila lindi një vajzë në muajin gusht. Të dy burrat ishin xhaxhallarët e të miturës.

Shtatzënia e saj u zbulua në mes të korrikut kur ajo u ankua për një dhimbje stomaku dhe prindërit e çuan në spital.  Vajza nuk ishte e vetëdijshme për shtatzëninë e saj dhe i ishte thënë që kishte një gur në bark, sipas raportimeve nga BBC.

Ajo lindi në muajin gusht dhe fëmija u është dhënë autoriteteve për mirëqenien e fëmijëve. 10 vjeçarja fillimisht u tha policëve dhe aktivistëve të mbrojtjes së fëmijëve se ajo ishte përdhunuar disa herë gjatë shtatë muajve të kaluar nga xhaxhai i parë, i cili është 40 vjeç.

Fillimisht u arrestua xhaxhai i madh.  Babai i vajzës  ka thënë për BBC se xhaxhai i parë nuk i kishte mohuar akuzat kundër tij.  Por pasi rezultati i testimit të ADN-së nuk e lidhën atë me foshnjën, policia nisi të kërkonte më shumë të dyshuar  dhe arrestoi xhaxhain e dytë në shtator. Një test i ADN-së konfirmoi se ai ishte babai i foshnjës.

Të dy burrat u shpallën fajtorë në gjykatë. Gjyqi i xhaxhait më të madh zgjati një muaj, ndërsa xhaxhai i vogël u dënua në një gjyq të jashtëzakonshëm 18-ditor, raporton BBC Punjabi nga Chandigarh.

Rasti i dhimbshëm i 10-vjeçares  ka qenë në titujt kryesorë për javë të tëra në mediat indiane dhe në nivel global. Ajo ishte 30 javë shtatzënë kur gjykata vendase në Chandigarh hodhi poshtë kërkesën e saj për abortim me arsyetimin se shtatzënia e saj ishte shumë e avancuar.

Ligji indian nuk lejon abortin pas 20 javëve, vetëm nëse mjekët vërtetojnë se jeta e nënës është në rrezik. Gjykatat e vendit ka marrë disa kërkesa gjatë muajve të fundit, nga vajza të mitura të cilat janë përdhunuar dhe kërkojnë ndërprerjen e shtatzanisë.

Në shumicën e rasteve, këto shtatëzani zbulohen vonë, sepse vetë fëmijët nuk janë në dijeni të gjendjes së tyre.