Xhensila u kthen përgjigje të gjithë atyre që e quajtën të shtirur: “Prej jush, ne si çift nuk publikojmë bamirësitë tona!”

Ka qarkulluar ditën e djeshme në median online, disa foto të çiftit Besi dhe Xhensila të cilët se bashku më “Fundjavë Ndryshe” kanë shkuar të për dhuruar ndihma në një familje që përjeton varfëri ekstreme.

Fotot nuk janë hedhur në rrjete sociale nga çifti, por nga vetë organizata, dhe më pas kanë marrë edhe shumë reagime në rrjet. Sigurisht ka pasur nga ata të cilët kanë komentuar se Besi dhe Xhensila janë të shtirur dhe po e bëjnë këtë bamirësi sa për “sy dhe faqe”.

Por, Xhensila, e prekur nga këto ofendime, ka bërë një shkrim të shkurtër në Instagram për t’I kthyer një përgjigje të gjithëve.

“Një falenderim doja për të gjithë grupin e “Fundjavë Ndryshe”, të përkushtuar në misionin e tyre. Për të gjithë moralistët që rrinë pas cel apo Pc, që edhe tek lulja nuk shohin bukurinë por gjembat, prej tyre ne si çift nuk kemi publikuar rastet tona pasi vërtetë bamirësia është për sytë e Zotit, por nëse nuk solidarizohesh edhe ti, nëse zemra jote nuk sheh pikëllim në sytë e familjeve të tilla, të paktën mos shkruani që e bëjmë për tu dukur. Do doja shumë që edhe ju të bënit diçka. Sado e vogël të jetë!” – ka përfunduar Xhensila reagimin e saj.