“Zoti u fali binjakë pas shumë viteve”; Historia e trishtë e familjes shqiptare që u shua në Bullgari

Gazetari i Top Channel, Alban Bogaj ndodhet në Bullgari për të raportuar mbi ngjarjen e rëndë të ndodhur një ditë më parë, ku mbetën të vdekur 45 persona, shumica prej tyre shqiptarë.

Në mesin e viktimave ishin edhe binjakët 4-vjeçarë Luan e Alban dhe prindërit e tyre. Ata vdiqën së bashku me nënë e tyre Avnie dhe babanë Xhihan, në zjarrin ku humbën jetën dhe 41 të tjerë dhjetë prej të cilëve fëmijë.

Nëna shqiptare u gjet e vdekur me dy djemtë e saj në krahë, pranë dyerve të autobusit tragjikisht pa arritur të dalë.

Bogaj rrëfen për “Zona Zero” detajin se çifti nuk kishin pasur fëmijë prej vitesh dhe më në fund ishin bërë me binjakë, edhe pse tragjikisht nuk arritën ta shijonin për një kohë të gjatë këtë mrekulli të dyfishtë.

“Kam pas një gjendje të rëndë emocionale, se ishte i vetmi që ka qenë zgjuar dhe ka parë ngjajrjen deri në momentin që kanë shpërthyer flakët. Ata ishin një familje që kishin kohë pa fëmijë dhe zoti i kishte falur binjakë. Institucionet nuk duhet të aktivizohen në momentin që ndodhin ngjarje të tilla. Si ka mundësi që këta autobusë kalojnë në kufi. Lulzimi është ende në shok, por nuk do të dalin lehtë nga mendja e tij ato momente, pasi ka parë live çdo gjë që ka ndodhur, uroj që sa më parë të dalin nga spitali, ndërkohë që familjet e viktimave u shprehin ngushëllimet. Familjarët e të plagosurve ishin me ndjenja të përziera, disa ishin të lumtur për ata që kishin shpëtuar e të më pas trishtoheshin pë rata që kishin humbur. Situatë e rëndë, shumë njerëz më kanë marrë nga shtete evropiane“, tha Bogaj.

Turistët fatkeqë po ktheheshin nga një udhëtim në Turqi kur u përfshinë nga zjarri në autostradë në Bosnek, pranë kryeqytetit Sofie rreth orës 02.00 të mëngjesit tw njw dite mw parw.

Zëdhënsi bullgar Nikolai Nikolov tha se 12 fëmijë ishin mes viktimave të aksidentit të rëndë.

Pesë fëmijë të konfirmuar të vdekur, ishin nxënës të së njëjtës shkollë fillore në Shkup të Maqedonisë së Veriut, të afërm me njëri-tjetrin.

Share With:
Translate »
36 Views